Eigendur Tækniþjálfunar Gylfa Sig eru Gylfi Þór Sigurðsson og Ingólfur Sigurðsson. Tækniþjálfun Gylfa Sig er fyrir leikmenn á aldrinum 6–16 ára sem hafa áhuga á að æfa meira og taka enn meiri framförum.

Gylfi Þór og Ingólfur mótuðu hugmyndafræði þjálfunarinnar og skipuleggja allar æfingar. Mikil áhersla er lögð á að þjálfunin fari fram í litlum hópum í jákvæðu og hvetjandi umhverfi.

Þjálfunin varð til þegar Gylfi Þór Sigurðsson og Ingólfur Sigurðsson fengu þá hugmynd að bjóða leikmönnum í yngri flokkum upp á einstaklingsmiðaðar æfingar þar sem markmiðið væri að bæta tæknilega getu.

Þeir félagar fluttu erlendis á unglingsaldri til þess að leika sem atvinnumenn og upplifðu þar á eigin skinni hversu mikil áhersla var lögð á tæknilega þjálfun. Þeir sáu mikið tækifæri í því að bjóða leikmönnum á Íslandi upp á slíka þjálfun.